GOZOS OF SAN PEDRO CALUNGSOD

verse 1:
Imong gimatuod ang pag-alagad sugo sa Ginoo giisip mo labaw sa tanan ug wala mahinugon sa imohang pagkabatan-on, bata ug tigulang imong gitudloan bisag may hulga sa duguon nga kamatayon.

verse 2:
Didto sa layong dapit mi alagad, gibiyaan nimo tanang butang kanimo mahal, kang Diego nga misyonero buotan ka nga kaabag, daghang kalisdanan inyong hiaguman, tuyo pagsangyaw sa kang Kristo nga kahayag.

refrain 1:
Sulugoon sa katawhan ug sa Dios, pinasidunggang anak sa kabisay-an, nanghinaut kining tingog ug kining pinulongan imong mahinumduman.

Pedro Calungsod ikaw karon gisangpit isip katagi lungsod dinhi sa yuta ug ingon man sa langit. (2x)

verse 3:
Gimahal mo ang mga kabataan, busa giamoma mo, gibansay mo sa pulong sa Dios, imong gipanalipdan atubanga'g daghang kaaway, gubuligan nimo kadtong misyonero, aron ang Simbahan magtuboan sa kanunay.

verse 4:
Gihigugma mo lakip ang kaaway nga diha kanimo nag himo ug mga pagsulay, aron malamdagan ug matudloan sa Diosnong kaalam, nga iyang gihatag aron ipahayag, ang iyang gugma ngadto sa tanang kanasuran.

refrain 1:
Sulugoon sa katawhan ug sa Dios, pinasidunggang anak sa kabisay-an, nanghinaut kining tingog ug kining pinulongan imong mahinumduman.

Pedro Calungsod ikaw karon gisangpit isip katagi lungsod dinhi sa yuta ug ingon man sa langit. (2x)

verse 5:
Wa panumbalingang kulba'g kakapoy kay batid sa lakaw, subay'g laraw sa tawo sa Dios, ang misyon mitawag ug sa way langay inyong giduaw, way gikahadlokan, Dios ang gisaligan ug way hinagiban mikuyog sa inyong panaw.

verse 6:
Mga hulga sa bangis nga kaaway, nga gibaliwala nakahaling sa ilang kasuko, Dios ang gikasilagan ug kamo ang gipahimungtan ug wa ka moikyas sa pagbangkaw'g pagtigbas ang palma sa martir naangkon mo nga timaan.

refreain 2:
Pedro Calungsod, tan-awang mahigumaon, ang among mga batan-on, panalangini usab ang kanilang nagpangga, sa imong kamot isalig namo karon ug sa tanang panahon, aron ang kabataan nga Pilipinhon mahisama kanimo, o pinalangga sa Ginoo.